An Gano Wani Haramtaccen Wurin Sarrafa Makamai A Neja

Screenshot_2018-04-10-00-02-29.png

Hukumar ‘yan sanda a jihar Neja ta bankado wata haramtacciyar masana’antar kera makamai a karamar hukumar Mashegu dake jihar.

An samu bindigu na musamman 110 da suka hada da kananun bindigu, bindigar gida samfurin AK 47 da bindiga mai sarrafa kanta da kuma alburusai masu yawa. Miyagun makamai Da yake jawabi ga manema labarai yayin gabatar da makaman, kwamishinan ‘yan sandan jihar, Mista Paul Dibbal, ya bayyana hukumar ta samu rahoton cewar wasu mutane na kera makamai, kuma suka bi sahu ta hanyar amfani da dabarun aiki har ta kai ga sun yi nasarar cafke wadanda ke gudanar da muguwar sana’ar.

Ya kara jaddada cewar hukumar ‘yan sanda na aiki da umarnin babban Sifeton hukumar, Ibrahim Idris, domin tabbatar da makamai sun bar hannun farar hula.

Ya shawarci duk wani mutum ko kungiya dake da makamai da su mika su hannun hukumar ‘yan sanda kafin wa’adin da hukumar ta diba ya kare, wanda daga nan duk wanda aka kama da mallakar makami ba bisa ka’ida ba zai fuskanci fushin hukuma.

Sourced by: Galadiman Illela

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s