Zan bai wa masu yi min kallon jahili mamaki — Adam Zango

Fitaccen jarumin fina-finan Hausa, Adam A. Zango ya ce babban burinsa shi ne ya kware wajen magana da harshen Turanci.

Zango, wanda aka haifa a garin Zangon Kataf na jihar Kaduna, ya yi karatun sakandare a birnin Jos na jihar Plateau ne.

Jarumin ya ce zai bar sana’arsa nan da dan wani lokaci domin ya je ya ci gaba da karatun boko.

A yanzu haka dai jarumin ya dauki malamin da yake ba shi darussa a gida, kafin ya koma makaranta don ci gaba da karatun.

“Yanzu haka dai sakandare na gama kuma ina son ci gaba da karatu ko da zuwa matakin difiloma ne. Abin da nake so shi ne na iya Turanci sosai,” in ji Adam Zango a wata hira da ya yi da BBC.

Sai dai wani abu da Adam ya ce yana ci masa tuwo a kwarya shi ne yadda wasu ‘yan boko suke masa kallon jahili duk kuwa da cewa “na yi karatun bokon sannan kuma ina da ilimin addini.”

Batun ilimin boko ne dai ya taba sa Adam ya wallafa wani habaici a shafinsa na Instagram da bai yi wa wasu ‘yan boko dadi ba, al’amarin da har ya sanya jarumin yin da-na-sani.

Adam Zango ya caccaki masu Digiri

Adam A. Zango ya dakatar da yin fim

Waiwaye

Jarumin na Kannywood wanda har ila yau mai shirya fim ne sannan yana rera waka, ya ce “na fara harkokin fim ne a Kano inda nake share-share da goge-goge a masana’antar kade-kade da ake kira ‘Landscope Studio’.”

Game abin da ya sa ya shiga harkar fina-finai, Adam ya ce, “tsoron kada na zama dan jagaliyar siyasa ko kuma dan shaye-shaye ne ya sa na tsunduma harkar.”

Adam, wanda ake yi wa lakabi da ‘Usher’ wata inkiya da ta samo asali tun yana makarantar sakandare saboda iya rawa, ya fito a fina-finai fiye da 100, a inda kuma ya shirya fiye da 20.

A fagen waka kuwa, jarumin yana da kundi guda shida kuma kowane kundi na dauke da wakoki 12, a inda wakarsa mai taken Gumbar Dutse ta zamar masa bakandamiya.

Adamu kamar yadda har ila yau wasu suke kiransa, ya ce a duk fina-finansa, ya fi son Ahlil Kitab saboda irin gudunmawar da ya bai wa addinin Musulunci a cikinsa, kamar yadda ya bayyana

Sai dai kuma fim din da ya yi mai taken Gwaska ne ya fi kawo masa kudin duk da cewa shi ma fim din ya ci fiye da naira miliyan bakwai kafin kammala shi.

Ni ba dan luwadi ba ne

Fitaccen jarumin ya ce a kullum yana kwana yana tashi da bakin cikin zargin da wasu suke yi masa wato batun neman maza ‘yan uwansa.

Wannan ne ya sa a wani lokaci a baya jarumin ya dauki Alkur’ani ya rantse cewa bai taba neman wani namiji ba da lalata.

“Wannan abin yana hana ni barci, kai har ma na taba zuwa neman aure amma aka hana ni saboda haka,” in ji Zango.

Game da batun cewa dan wasan yana da girman kai, jarumin ya kare kansa “Idan kana maganar masoya kana maganar miliyoyin mutane, to ta ya ya zan gamsar da su?”

Daga nan ya nemi masoyansa su rika yi masa uzuri domin shi ma mutum ne kamar kowa, kamar yadda ya ce.

A karshe ya yi magana kan yadda ake cewa ‘yan wasan Hausa “kudi suke nema kawai”, inda ya ce “muna yin fina-finan da za su kawo mana kudi.”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s