HADUWAR MAITAMA SULE DA JANAR MURTALA MOHAMMED

Bayan anyi juyin mulki na 1967, duk lokacin da Janar Murtala Mohammed ya hadu da Dan Masanin Kano Dr. Yusuf Maitama Sule sai ya ringa yi masa irin wasan nan na malami da dalibin sa.

Ya kan ce masa, “mun dai kori ‘yan siyasa sai aje kuma a nemi sana’a”. Shi kuwa Dan Masani sai ya maida masa da cewa, “ai ka san Akuya ko bata haihuwa tafi kare”. A haka suke raha duk lokacin da suka hadu.

Rannan sai Janar Murtala ya zama shugaban kasa, ya kuwa tashi haikan akan yaki da zalunci da rashawa da ya addabi Najeriya, kusan komai gaskiyar ka kana shakkar ace Janar Murtala na neman ka. Kwatsam rannan sai ya aiko a gayawa Dan Masani cewa yana neman sa a Dodan Barracks (fadar gwamnati da ke Lagos kafin a dawo Abuja).

Dan Masanin Kano ya kwana yana jan Lahaula, saboda bai san neman da Murtala yake yi masa ba. Da safe ya hau jirgi, ya nufi Lagos, ya sauka a Airport, sai ya nufi Dodan Barracks, yana zuwa aka sanar da shugaban kasa, sai shi kuma yace a shigo da shi ofishin sa.

Da aka kai shi gaban Janar Murtala, suka gaisa sai Janar yayi masa barkwancin da ya saba yi in sun hadu cewar:

“Mun dai kore ku ‘yan siyasa, sai a je a nemi sana’a”. Sai Dan Masani yayi shiru, Janar Murtala yace, “Allah Ya gafarta ya kayi shiru?”

Sai Dan Masani yace:

“Ai kai a Karnukan ma Karen As’habul Khafi ne, wanda aka ce za’a shiga Aljanna da shi”.

Nan fa take Janar Murtala ya fashe da dariya yace masa, “To dama ina son in baka shugaban Hukumar Koken Ma’aikata ne (Public Complaints Commission).

Allah Ya jikan Janar Murtala, Ya jikan Dan Masani, Ya sanya Aljanna ta zama makomarsu gaba daya. Amin

 

Source:NAIJ.com

One thought on “HADUWAR MAITAMA SULE DA JANAR MURTALA MOHAMMED

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s